اه.. كدا و عيني عينك
و بدون مناسبة
صحيت الصبح طق في دماغي السؤال
و بصراحة كنت ناوية اكون اكثر جرأة واكتب عنون البوست ان توووت توووت مات
بس قلت لا لحسن يقبضوا عليا ولا حاجة و خليت الموضوع مجرد تساؤل بريء من طفلة بريئة
هو بصوا لا اعتراض على قضاء الله
والحمد لله على ما كتب علينا
بس يعني هو مش هايموت بقى
مش مشكلة مين هيجي بعده، طز
بس مجرد تغيير
انا من ساعة ما وعيت على الدنيا من احم خمسة وعشرين سنة و هو ريس
ايوووة خمسة وعشرين سنة والي يقول غير كدا ينطس في كي بورده
المهم يعني انا نفسي كدا نغير نعمل نيو لوك رئاسي
و بما اننا مش قادرين نمشيه يبقى نستنى ربنا ياخده
و على رأي اللي قال
اصبر على جارك الحلووووو يا يغور يا تيجي داهية تاخده
فكركو انا خايفة، إطلاقا ابسلوتلي
لو حد قبض عليا هاقول ان الموضوع وما فيه ماس كهربائي في نافوخي أدى إلى حدوث تخبط في الجهاز السمبثاوي والبارا سمبثاوي
طب تخيل كدا
تصحى الصبح في يوم مشمس جميل ، تفتح الراديون تلاقي قران كريم ومارشات عسكرية و زغاريط
ااقصد وصويت
و بعدين تبص من البلكونة تلاقي يفط كتير متعلقة
محمد قشطة ينعي توووت تووووووت
و ناس ماشية في الشارع بتضحك و تزغررررررط
و ناس راكبة عربيات هاي هاي بتعيط و حاطة فيونكة سودة على الكرافاته
و ناس متنحة كالعادة
و تنادي على عم عبده بتاع الكبدة و هو جنب عربية الكبدة بتاعته تقوله يا عم عبدو في ايه
يوشوشك بالراحة و يقولك غاااااااااار
غااااااااااااااااااااااااااااااااااار
بس بالراحة بردو
و الشرطة مستخبية في الاقسام خايفة من اللي هايجرى
و الستات واقفين في البلكونات يمصمصوا شفايفهم و يقولوا ياختي اهو خد الشر و غار
و ناس منافقين عاملين حساب ان ابن توووووت تووووووووت ممكن يمسك او اكيد هايمسك فهيولع في اللي هايقول حرف واحد على ابوه
و قاعدين يقولوا بيانات صحفية في الشارع
شعورك و انت بتفتح البلكونة الصوبح كدا هايكون ايه؟
هاتعمل ايه
فكر و جاوبني
و لو اتقبض عليك انا ماليش دعوة
عشان هو لو مات انا هاعيط عليه
اوي
حتى بصوا
سلام
Posts
9 comments:
هو انتي بتحبي اكل ايه؟ علشان لما يسحبوكي ورا الشمس ابقى اعملك اكل في العمود واجي ازورك
يا امي السؤال اللي انتي سالتيه ده من الكبائر والعياذ بالله
والله كنت بحبك يا نيرو. والله هتوحشينا يا نيرو. اوعى لو عذبوكي تيجبي اسمي انا وميجو في التحقيق يا نيرو احنا عندنا بنت عايزين نربيها.
Love,
MishMish
ماكنش يووومك يا اختي
اخس عليكي اخس احنا اتربينا على كده
احنا اتعلمنا كده
انتي بتطاولي على اسيادك
وتيجان راسك
بقى تفولي على السيد العظيم تووت تووووت ( طويل العمر يطول عمره يزهزه عصره ينصره على مين يعاديه هاي هي)
بقى تدعي يا ظالمة انه سيادته( طويل العمر يطول عمره يزهزه عصره ينصره على مين يعاديه هاي هي) زينا كده عادي وبشر وكده وممكن وممكن ... استغفر الله العظيم
مش عارفة ايه اللي حصلها اكيد فعلا هو الماس الكهربائي
او واحد مختل عقلي لعب في صواميل دماغك
اخس عليكي تاني
بصي يا نيرو يا حبيبتي
الافكار الشيطانية دي تنفضيها من دماغك
وتستعيذي بالله
واحلام اليقظة والهلاوس السمعية والبصرية دي خليها في سرك
ماشي يا حبيبتي والله انا خايفة علينا جميعا
وانا بصفتي كنت اختها من بعيد كده
يعني تقدرو تقولو مافيش بنا اي صلة والله
باعتذر بالنيابة عنها
وباقول هي عندها كالو في دماغها مش مخليها تميز بين الحقيقة والهبل
وانا ان شاء الله هاحجزها في مستشفى العباسية يعني ماحدش يقلق منها خالص
وبلاش والنبي فنادق ماوراء الشمس اللي مش بيدخلها دبان خالص وخصوصا الازرق
وردا على سؤالك يا نيرو اقدر اقولك
سلقتك امك
وخسئت
(معلش تيجي مني بدل الغريب )بس كده كفاية عليكي لحسن المدونة شكلها متراقب
وعلى فكرة هاقول لماما انك بتتكلمي كلام عيب وابيح في السياسة بس هه
سلام
كنت باحبك
هبــة
يا نيرووووووووووووووووووو
هو انتي ما بترديش ليه
انتي فين؟ اوي تكوني لا قدر الله............ يا ااااااااااااااالهوي
البت اتخطفت يا جدعان
اوعي تقرري علينا ولا تجيبي سيرتنا لا نتنفخ يا نيرووووووووووووو
مثواكي مع الشهداء يا حبيبتي
Love,
MishMish
إييييييه حالة الذعر غير المبررة دي يا جماعة
هو انا كفرت لا سمح الله
انا باقول تخيلوا
يعني من فعل يتخيل فهو متخيل و هم متخيلون
انا ما قلتش توووت توووت مات ولا حاجة
انا باسأل هو السؤال حرم
مشمش فكرك لو انا ورا الشمس هايدخلولي حاجة باحبها
بس بردوا نخدمكو في الافراح ان شاء الله
يعني عادي كاس وداير
و زي ما سألت انا هايجي يوم و ساندو هاتسأل بردو
فكرك هايكون عايش لساعتها
و بعدين لاداعي للقلق انا لسة ما اتقبضش عليا انا حلوة اهو
سكرة اهو
طب دا انا حتى باحبه
و باحب اللي يحبه
اوعى تفتكري اني خايفة ولا حاجة
ابسلوتلي إطلاقا
دا مجرد يعني اقرار بالواقع
مش انتي وميجو و ساندو بتحبوه بردو ولا ايه
هبة حبيييييبتي اختي التي اوحت لي بالسؤال
يا جبانة تقولي لأمي
تعرفي انا شكلي في التحقيق هاعترف على امي بمناسبة عيد الام
و اهو بردو الست تغير جو
و تعرف ان السياسة مش حاجة بترعب لا سمح الله
:)
انا ما باخافش
و مافيش ماس كهربائي في نفوخي
انا الحادثة مأثرتش على نافوخي
ابسلوتلي
انا اللي اثرت على الحادثة
انا باقيت بدماغين
تحيا جمهورية مصر العربية يا عم :)
تحياتي على خوفكم عليا
بس بردو انتو ما جاوبتوش سؤالي
هاتعملوا ايه يوم ما يموت :)
نيرو انا مش عارف اية اللي جرالك في اية اية اللي يخليكي تتكلمي في السياسة دية السياسة وحشة وبعدين حرام عليكي لما تسالي سوال انتي عارفة الاجابة علية ولا انتي عاوزانا كلنا معاكي اهو برده ونس واحنا والحمد لله هنعترف عليكي من اووووووووووووول قلم الله يرحمة كان مجوعنا ومبهدلنا ومشحتتنابس خلاص ازكروا محاسن موتاكم ولا بلاش مهو مكنشي لة حسنات اللة يكحمة مترح ماراح
ياستي فال الله ولا فالك
ده كفاية هبدة البورصة
الفارس الشجاع
ازيك
انت عارف انك سواء رديت او ما رديتش انا هاعترف عليك قبل حتى ما يعرضوا عليا اني اتضرب بالقلم، انت عارف انا باعزك قد ايه
و بالنسبة لمحاسن موتانا هانذكرها
بس هم يتوكلوا على الله و ما يقلقوش:)
بسطاويسي بسطاويسي شرفت مدونتي المتواضعة
و سوري ان اول موضوع شفته عندي هو دا، بس اعمل ايه حظك جه كدا
عموما انا مؤمنة ان الاختلاف في الرأي لا يفسد للعدس ملوخية يعني
انا لازلت عند رأيي
ان ربنا يتولانا برحمته ويرفع غضبه عنا
:)
تحياتي
باين أنك ماتشوفي أفلام
الأشرار يموتون ببطء
ست رصاصات و لازال حياً
من فوق عمارة و لا مات
حرق - غرق و لا يموت
و في آخر دقيقة تكتشف أن للشرير أبن
يعني في جزأ ثاني
قلامة ايه يا عم توتو، ده انت من اول ما حتتشد والمركيب اللي في مديرية الامن كلها حتنزل على دماغك ودماغ اللي خلفوك.. وبعدين فعلاً حاجة تفقع المرارة، ما تغور يا عم وسيب الحكم ، ربنا ياخدك ويريحنا منك ، ربنا يكرمك كدة بهامر تكون مدعمة زي سكر التموين اللي في الجمعية يا عم توووووت
Post a Comment