للاسف اكتشفت اننا بنضيع كتير من عمرنا في انتظار تغيير ما يحدث في حياتنا
تغيير في ناس بنحبهم بس فيهم عيوب
تغيير في اوضاع مجتمعية
تغيير في اوضاع مادية
تغيير في اي حاجة
المهم تغيير
احيانا بيكون الاسهل ان التغيير يكون مننا احنا
بدل ما نستنى
و نسمع وعود
و نشوف دموع
و نوصل لمرحلة اليأس من التغيير
و دا بيولد جوانا الاحباط
و بيجيب لنا اكتئاب
و بيخلينا في حالة رفض للواقع
مع اننا مش متأكدين لو التغيير دا حصل حياتنا هاتكون احسن
يعني مش اكيد الاغنى احسن
ولا الاهدى في العصبية احسن
ولا الاقرب احسن
ولا الاكبر احسن
ولا الاوسع احسن
ولا اي حاجة على صيغة افعل احسن
يمكن يكون الواقع احسن بس نعرف نعيشه، بدل ما احنا عايشين على امل المش موجود
و بنعلق اخطاءنا و يأسنا و احباطنا على شماعة لو يحصل كذا، لو يبقى عندي كذا، لو يجرى كذا
دلوقت اكيد احسن لان دلوقت في ايدينا
بس يا ريت نلحق نعيش!!
Posts
5 comments:
مش متفقه معاكي يا نيرو
انا شايفه ان اصعب تغيير في الدنيا هو تغيير الانسان لنفسه
اديكي شايفه المصريين كلهم بيفتوا وبيكتبوا روشتات تغيير لحال البلد كلها
لكن محدش شاف غلط على نفسه ولا بدأ بنفسه
Love,
MishMish
تؤ يا مشمشة يا حبيبتي صدقيني اسهل بكتير ان الواحد يغير من نفسه عشان دي حاجة يقدر عليها لو كان عنده إرادة، لكن احنا ما عندناش قدرة نغير سياسات دول ولا تصرفات ناس ولا مشاعر ناس تانية
الانسان مننا محتاج يفهم نفسه عشان يفهم ايه عيوبها و يصلحها و لو كلنا عملنا كدا هانلمس تغيير
لكن احيانا كتير بيكون في ناس فيهم العبر و يجو يدوكي حكم و مواعظ، طب ما اولى بالانسان يبدأ بنفسه و يشوف عيوبه و يصلحها على الاقل هايتقبل عيوب الاخر عشان هايفهم انه مش قديس بلا خطايا.. و كلنا عيوب و كلنا عندنا اخطاءنا..
كدا ولا ايه؟
التغيير عادة يبدأ من النفس ثم الجماعة ثم المجتمع
والانسان اما مستقل اوتابع
فعل او رد فعل
ممكن المستقل مايقدرش يغير بس لانه فعال مش من السهل حد يأثر عليه ويغيره
وهيفضل متمسك بذاته وافكارهلأنه فعلا غير الاخرين
بس هل المستقل الفعال دائما صح؟؟
يا امي
انا بحاول ابطل عصبيه وشكولاته وانظم وقتي كويس
عمري دلوقتي 28 سنه ومش عارفه اعمل حاحة في دول
لكن ممكن اعمل خطة ناجحه لإعادة هيكله جمهورية (ملكيه عن قريب) مصر العربية في 3 ايام
love,
MishMish
اتفق بس الموضوع محتاج عزيمة على التغيير من انفسنا
ومش دايما الواقع الحي أحسن
عامة
سلام عليكِ
Post a Comment